يابــــو فانله حمرا لونها بلون دمـي.
يا أهلي باحـبك حــبي لابويا وأمــي .
وانت أعــزعندي مــن أخـويا وعــمي .
انت السبب في فرحتي وزوال هـمي .
حفضل أشجعك وانطق بسمك وسمي .
... ويوم ماابطل حاكون غرقان في دمي .
********
دا كان هتافي بأغنيه وأحلى نشيد .
قمنا نهتف بيه لأهلي في بورسعيد .
ظهرالحقد وبان الغل بقلوبهم اكيد .
نار في شمروخ أوصاروخ وسيخ حديد .
جريو ورايا يقتلوني يقطعو لي وريد .
مجرم أو بلطجي ويا حرامي أو طريد .
*********
والأمن واقف يوسع ليهم في المكان .
حـولوا الملعب لسـاحة حـرب أو ميدان .
ســيوف خناجر شوم والمطاوي كـمان .
اقتل ودبح وهات لي تي شيرتك جبان .
يقفل الأبواب مفيش هروب انا انسان .
طفي النور منعني أهرب غلب الشيطان .
********
وأنس يصــرخ آه وانت ماسكه بـتشنقه .
وابتسامته بريئه ليه يا كلب انت تخنقه .
دا بدال ماكنت تشيله وتحضنه وتبوسه .
بإيدك تقتله وترميه على الأرض وتدوسه .
يا جبايرك ياأخي وانت بتقول مــوش أنا .
وفعلا إنت يا قاتل لا يمكن تكون يوم أنا .
ولا فيه يوم على مرالزمن تكون زيي أنا .
أنا المصري اللـي بن مصــر بحــق وحـقيقي .
انا المصري اللـي عمري ما حاقتل شقيقي .
انا المصري اللـي عمــري ما اشنق صديقي .
أو ييجي يوم اتخلى فيه عن تشجبع فريقي .
*********
تــلاته وسبعين شهــيد في عمر الزهور.
كل واحد منهم شمس وقمر له ضــي ونور.
راحوا فوق يحــلقو ويا النجوم في السما .
اغتالتهم إيد الغدر في ليله عتمه مضلمه .
ما طــلعش فيها القمر كان ليلتها حـزين .
قمرنا كان حزين يبكي من الألم ويا الأنين .
لكنه كان بيردد بصوته ويغني النشيد .
اللــي غناه ولادي اللي مـاتو في بورسعيد .
قال معاهم حفضل احبك يا أهلي ليوم القيامه
ويومها حــكون لابس تي شيرتك لحبك علامه
********
وتحت قبة برلمان الشعب نوابه فيه اتجمعوا
تقرير لجنة حقايق يقراه رئيسه وهم يسمعوا
ونايب بورسعيد اســمه بدري وجـاي من بدري
أول ما شافته عيني الدم في عروقي فار وغلي
وضغــط دمي وحــياة رب العباد عليا زاد وعــلي
لما بودانك تسمع صوته تقولش بالع ضفدعه
ولابس لي ستره كاكي ونضاره سوده مربعه
يقول ويحــلف موش احـنا اللـي قتلنا الشهيد
اللي قتلوه مــوش احنا دول جماعه مـن بعيد
طيب ياريت يا فندي تقول لنا دول جم منين
أولاد الأبالسـه والشياطين عارف قتلوا مين ؟
قتـــلوا فرحة مصر قتلوا الملايكه الصغيرين
*******
قسما بطهركم يا أغلى الناس ..
حقكم دين في رقبة مصر قصاص
ونحـــفظ على الدوام ذكراكم ..
ونشجع كلنا عشانكم الألتراس
وف أي مكان راح اكون وياكم ..
يابــو فانله حمرا لونها بلون دمي.
يا أهلي باحبك حــبي لابويا وأمــي .
وحافضل أشجـعك يابو اسم فريد ..
ويوم ماابطل اشجعك ..أكون ميت أكيد
الرئيسية 
موضوع: اخويـــــــا بطل يشجع ! 
2012-09-05, 21:09
